အမွန်မြတ်ဆုံးသော အရာ

မေတ္တာ
လောက၌ အလှဆုံး တရားသည်....မေတ္တာ။
ကမ္ဘာ လောကကြီး တစ်ခုလုံးကို အလှဖုံးစေနိုင်သော တရားသည်လည်း .....မေတ္တာ။
သက်ရှိလောက အလုံးစုံကို သာယာချမ်းမြေ့ စေနိုင်သည်မှာလည်း...မေတ္တာ။
လူလူချင်း ချစ်ခင်ကြင်နာ၊စည်းလုံး ညီညာ၊ ဖက်လှတကင်း ရိုင်းပင်ကူညီ စေတတ်သော စွမ်းအားသည်လည်း...မေတ္တာ။
ရေနွေးအိုးကဲ့သို့ ပွက်ပွက်ဆူနေသော အမျက်ဒေါသကို ငြိမ်းသက်စေနိင်သော ရေစင်အေးသည်လည်း...မေတ္တာ။
မေတ္တာသည် ဘေးရန်ကင်းရှင်း စေလိုသောသဘော၊ ကြီးပွား တိုးတက်စေလိုသော သဘောဖြစ်၏။
မေတ္တာသည် နူးညံ့သိမ်မွေ့၏ ၊ သည်းခွခွင့် လွှတ်နိုင်၏ ၊ အနစ်နာခံ နိုင်“ ၊ ချစ်ခင်ယုယလို၏ ၊ ကူညီ ရိုင်းပင်းလို၏ ၊ ပေးကမ်း စွန့်ကြဲလို၏ ။
မိဘတို့သည် အနစ်နာခံ ၊ အဆင်းရဲခံ ၊ သည်းဥည်းခံ၍ သားသမ္မီးများကို၏ စားဝတ်နေရေး ၊ ကျန်းမာရေး ၊ ပညာရေး ၊ ကောင်းစားရေးတို့ကို အနေမနား ကြိုးစား ဆောင်ရွက်
နေကြသည်မှာ မိဘ၏မေတ္တာကြောင့် ဖြစ်၏ ။
အေးမြသော မိဘမေတ္တာရိပ်ရွယ် ခိုလှုံကြရသော သားသမ္မီးများသည် ပူပင်သောက ငြိမ်းအေးခွင့် ရကြ၏ ၊ ဘေးရန်ကင်း ဝေးကြ၏ ၊ ကြည်နူး ရွှင်လန်းကြ ၏ ၊
လောကကို ရင်ဆိုင် ၀ံ့ကြ၏ ။
မေတ္တာသည် မေတ္တာကို တုံ့ပြန်စေနိုင်၏ ။
“တစ်ဦးမေတ္တာ တစ်ဦးမှာ” ဆိုသော စကားသည် လူလူချင်းသာမက လူနှင့်တိရစ္ဆာန်ကြား ၊ တိရစ္ဆာန်နှင့် တိရစ္ဆာန် အကြားတို့ ၍လည်း မှန်ကန်သည်သာတည်း။
ရန်ကို ရန်ဖြင့် မငြိမ်းအေးစေနိုင် ၊ မေတ္တာဖြင့်သာ ငြိမ်းအေးစေနိုင်၏ ။
ရန်လိုလျှင် ရန်ပို၏ ။ ရန်မလိုမှ ရန်ပြိုသည်။ ရန်မလိုခြင်းသည် မေတ္တာဖြစ် ၏ ။ မေတ္တယလွှမ်းခြုံလျှင် လေးရန်လုံ၏ ။
မေတ္တာသည် ဘေးရန်လုံခြုံစေသော အကောင်းဆုံး အဆောင်လက်ဖွဲ့ ဖြစ်၏ ။ မေတ္တာသခင်အား လူလူချင်းလည်း မနှိပ်စက်နိုင် ၊ သားရဲ တိရစ္ဆာန်များကလည်း ရန်မမူနိုင် ၊
ဘီလူးသဘက်များလည်း မနှောင့်ယှက်နိုင်ကြ ချေ။
မေတ္တာသည် အစါမ်း အထက်မြက်ဆုံးသော ပီယဆေး ဖြစ်၏ ။မေတ္တာရှင်အား လူနတ်ဗြဟ္မာနှင့်သတ္တာဝါ အားလုံးတို့ ချစ်ခင်ကြည်ညိုကြ၏ ။ မိမ်၏ မေတ္တာဖြင့် သူတစ်ပါးတို့၏
မေတ္တာကို ညှို့ယူနိုင်၏ ။
မေတ္တာသည် ရန်ဟူသမျှကို တွန်းလှန်ဖြိုဖင်နိုင်သော အကောင်းဆုံးသော လက်နက်လည်း ဖြစ်၏ ။ဗုဒ္ဓမြတ်စွာသည် မေတ္တာလက်နက်ဖြင့် အင်္ဂုလိမာလလူဆိုး ၊ နာဠာ၈ီရိ
ဆင်ကြီး ၊နန္ဒောပန္ဒ နဂါးမင်း စသည့်ရန်အပေါင်းကို အောင်မြင်တော် မူခဲ့၏ ။
မေတ္တာသည် ငြိမ်းအေးရေး၏ တမန်တော် ဖြစ်၏ ။မ္တေ္တာ ပွားပို့နေသူသည် နွေခေါင်ခေါင်တွင်ပင်လျှင် ချမ်းသာအေးမြ၏ ၊ မိမိ၏ ပတ်ဝန်းကျင်ကိုလည်း ငြိမ်းချမ်းသာယာစေ၏ ။
မေတ္တာဈာန်သည် အချမ်းသာဆုံးသော လောကချမ်းသာပေတည်း ။
မေတ္တာကို လူတိုင်း ပိုင်ဆိုင်နိုင်၏ ။မေတ္တာကို အခကြေးငွေဖြင့် ပေးဝယ်၍မရ ။မေတ္တာဖြင့်သာ ၀ယ်ယူရနိုင်၏ ။
မေတ္တာသည် သင်၏ ဘ၀ကိုလည်းကောင်း ၊ သင့်မိဘ မောင်ဖျား များအားလည်းကောင်း ၊ သင်ကျင်လည်နေသည့် လောကကြီး တစ်ခုလုံးကို လည်းကောင်း လန်းဆန်းဝေဖြာ
ချမ်းမြေ့ သာယာစေမည်မှာ ဧကန်သာတည်း ။
သစ္စာ
လောက်က၍ အမြတ်ဆုံးသော တရား..အလိုအပ်ဆုံးသော တရား ...။
သစ္စာမြေပေါ်တွင် ရပ်တည်ပြီး၍သာ ကိုယ်ကျင့်တရားကို တည်ဆောက်နိုင်သည် ၊ လူလူချင်း တန်းတူဆက်ဆံ နိုင်သည် ။
သစ္စာသည် လူ့အဖွဲ့အစည်းများကို မယိမ်းမယိုင် မကွေ့အကောက်ဘဲ ဖြောင့်ဖြောင့်တန်းတန်း ရှေ့သို့ တိုးတက်သွားစေ၏ ။
သစ္စသည် မှန်ကန်မှု ၊ ဖြောင့်မတ်မှု ၊ တရားမျှတမှု ဖြစ်၏ ။
သစ္စာသည် မတရားမှု မှန်သမျှကို ဆန့်ကျင်၏ ၊လူလူချင်း ညှဉ်းပန်းနှိပ်စက်ခြင်း ၊ချုပ်ချယ် အနိုင်ကျင့်ခြင်း ၊ စီးပွားရေးဖြင့် အမြတ်ထုတ်ခြင်း ၊လိမ်လည်လှည့်ဖျားခြင်း ၊
ခိုးဝှက်လုယှက်ခြင်း ၊နယ်ချဲ့တိုင်ခိုက်ခြင်း စသည့် မတရားမှုများကို ပိတ်ပင်ဟန့်တား ၏ ။
လူနှင့် တိရစ္ဆာန်များအား ညှဉ်းပန်းသတ်ဖြတ်ခြင်းသည် မတရားမှုကြီး ဖြစ်၏ ။သူတစ်ပါးတို့၏ ဥစ္စာပစ္စည်းများကို ခိုးဝှက်လုယက်ခြင်း ပြည်သူပိုင် ပစ္စည်းများကို အလွဲသုံးစား
လုပ်ခြင်း တို့သည် မတရားမှု ကြီး ဖြစ်၏ ။ သူတစ်ပါးတို့ ၏ သားသမ္မီး ၊ဇနီးခင်ပွန်းများကို ဖျက်ဆီးခြင်းသည် မတရားမှုကြီး ဖြစ်၏ ။ မူယစ်သောက်စားခြင်းသည် မိသားစု၏
စီးပွားဥစ္စာကို ဖြုန်းတီးဖျက်ဆီးခြင်း ဖြစ်၍ မတရားမှုကြီးဖြစ်၏ ။
ထိုမရားမှု မှန်သမျှသည် သစ္စာလမ်းစဉ်မှ သွေဖီခြင်း ဖြစ်၍ အမှန်တရား(၀ါ) ကံတရား၏ အပြစ်ပေးခြင်းကို မုချခံယူရမည် ဖြစ်၏ ။
ကောင်မှုကံသည် ကောင်းကျိုးကိုပေး၍ မကောင်းမှုကံသည် မကောင်းမှုကို ပေးသည်မှာ သဘာဝသစ္စာ၏ လမ်းစဉ်သာတည်း ။ဗုဒ္ဓမြတ်စွာသော်မှ ထိုကံတရားကို မပြောင်းလဲ
စေနိုင် ၊မတရားမှု ကျုးလွန်သူတို့အား အပါယ်ငရဲသို့ မကျရောက်အောင် မတားဆီးပေးနိုင်ပါ ။
သစ္စာကို့ မတ်နိုးသူအား သစ္စာတရားက ပြန်လည်စောင့်ရှောင့်သဖြင့် ကောင်းကျိုးအဖြာဖြာကို ခံယူရမည် ဖြစ်၏ ၊ သေလွန်သည့်ကာလ၍ နတ်ရွာသူဂတိဘုံသို့ လားရောက်
ရမည်ဖြစ်၏ ။
သစ္စာရှင်သည် မုသားစကားကို မနှစ်မျို့ ၊မမှန်သောစကားကို မဆို ၊ ဆိုပြီးသော ကတိစကားကို မပယ်ဖျက် ၊ ဆောင်ရွက်ရမည့် တာဝန်ဝတ္တရားများကိုလည်း မပျက်မကွက်
ဆောင်ရွက် ၏ ။မိဘတို့သည် မိဝတ္တရားများကို ကျေပွန်စွာ ထမ်းရွက်လျှင် သစ္စာစောင့်သိသည် မည်၏ ။ သားသမ္မီးတို့သည် သားသမ္မီးဝတ္တရားများကို ကျေပွန်စွာ ဆောင်ရွက်လျှင် သစ္စာ
စောင့်သိသည် မည်၏ ။ဆရာသမားသည် ဆရာ့တာဝန်ဝတ္တရားများကို ကျေပွန်စွာ ထမ်းဆောင်လျှင် သစ္စာစောင့်သိသည် မည်၏ ။တပည့်များသည် တပည့်ဝတ္တရားများကို
ကျေပွန်စွာ လိုက်နာကျင့်သုံးကြလျှင် သစ္စာစောင့်သိသည် မည်၏ ။ ၀န်ထမ်းများသည် ပေးအပ်ထားသော တာဝန်ဝတ္တရားများကို ကျေပွန်စွာ ထမ်းဆောင်ကြလျှင် သစ္စာစောင့်
သိသည် မည်၏ ။
မိမိ၏ တာဝန်ဝတ္တရားများကို ထမ်းဆောင်ရန် ပျက်ကွက်ခြင်းသည် သစ္စာဖောက်ဖျက်သည် မည်၏ ။ရိုးမြေကျ ပေါင်းသင်းဆက်ဆံမည်ဟု ကတိသစ္စာပြုပြီးခါမှ ထိုကတိကို ချိုးဖျက်
ခြင်းသည် သစ္စာဖောက်ဖျက်သည် မည်၏ ။
ဝစီသစ္စာနှင့် အရိယသစ္စာတို့၏ အရသာသည် အရသာ အပေါင်းတို့တွင် အချိုမြိန်ဆုံးသော အကောင်းမြတ်ဆုံးသော အရသာဖြစ်၏ ။
မေတ္တာနှင့် သစ္စာ
ကမ္ဘာ့အလှဆုံးတရားနှင့် အမြတ်ဆုံးတရား....
လူတိုင်း၏ ဘ၀ကို သာယာမြင့်မြတ်စေနိုင်သော တရားနှစ်ပါး ။
လူသားတို့၏ ဘ၀များနှင့် ကမ္ဘာလောကကြီးကို အကောင်းဘက် အပေါင်းလက္ခဏာဘက်သို့ ပြုပြင်ပြောင်းလဲစေရာတွင် အားအကြီးဆုံးသော စွမ်းအားနှစ်ပါး ။
မေတ္တာရှင်သည် သစ္စာရှင်ဖြစ်နိုင်၏ ။သစ္စာရှင်သည် မေတ္တာရှင် ဖြစ်နိုင်၏ ။
မေတ္တာနှင့် သစ္စာတို့၏ တန်ဖိုးကို သိနားလည်သူတို့သည် ဤတရားနှစ်ပါးကို ရင်ဝယ်ပိုက်ထွေးထားကြမည်သာ ဖြစ်သည် ။
လူသားတိုင်း၏ နှလုံးသားဝယ် မေတ္တာနှင့် သစ္စာတရားတို့ ပွင့်လန်းဝေဆာလာသောအခါ ဤကမ္ဘာလောကကြီးသည် အမြင့်မားဆုံးသော အတိုင်းအတာအထိ ငြိမ်းချမ်းသာယာ
စည်ပင် ၀ပြောလာမည် ဖြစ်သတည်း ။

• မေတ္တာရှေ့ဆောင် ပြုတိုင်းအောင်
• သစ္စာဆောင်လှ ဘ၀တိုင်းလှ .
• မေတ္တာက မအောင်မ်ြငနိုင်သော ဘေးရန်သည်မရှိ ။
• သစ္စာက မစွမ်းဆောင်ပေးနိုင်သော အရာသည်မရှိ ။
• မေတ္တာတရားဖြင့် ကမ္ဘာ့ငြိမ်းချမ်းရေးကို တည်ဆောက်ကြပါစို့ ................။